ന്യൂഡല്ഹി: അഞ്ച് സംസ്ഥാനങ്ങളില് പുതിയ സര്ക്കാര് രൂപവത്കരിക്കപ്പെട്ടതിന് പിന്നാലെ രാജ്യം രാഷ്ട്രപതി തിരഞ്ഞെടുപ്പിന്റെ തിരക്കിലേക്ക് നീങ്ങുകയാണ്.
നിലവിലെ രാഷ്ട്രപതി രാംനാഥ് കോവിന്ദിന്റെ കാലാവധി ജൂലൈയില് അവസാനിക്കും. ജൂലൈ പകുതിയോടെ ആയിരിക്കും തിരഞ്ഞെടുപ്പ് നടക്കുക.
പുതിയ രാഷ്ട്രപതി ആരാകുമെന്നത് സംബന്ധിച്ച ഊഹാപോഹങ്ങള് അണിയറയില് സജീവമായിക്കഴിഞ്ഞു. നിലവിലെ ഉപരാഷ്ട്രപതി എം വെങ്കയ്യ നായിഡുവിന്റെ പേരിന് തന്നെയാണ് മുന്ഗണന. ഉപരാഷ്ട്രപതി എന്ന നിലയില് അദ്ദേഹത്തിന്റെ പ്രവര്ത്തനങ്ങളില് ബിജെപി തൃപ്തരാണ്.
കര്ണാടക മുന് മുഖ്യമന്ത്രിയും ബിജെപി നേതാവുമായ ബി എസ് യെദ്യൂയൂരപ്പയുടെതാണ് രാഷ്ട്രപതി സ്ഥാനത്തേക്ക് ഉയര്ന്നുകേള്ക്കുന്ന മറ്റൊരു പേര്. ബി ജെ പി ഇത്തവണ കര്ണാടകയില് അല്പ്പം ദുര്ബലമായ നിലയിലാണ്. അത് മറികടക്കാന് യെദിയൂരപ്പയെ രാഷ്ട്രപതിയാക്കുന്നതിലൂടെ ബിജെപിക്ക് സാധിക്കുമെന്നാണ് രാഷ്ട്രീയ നിരീക്ഷകരുടെ വിലയിരുത്തല്.
രാഷ്ട്രപതി തിരഞ്ഞെടുപ്പ് പലപ്പോഴും ഭരിക്കുന്ന പാര്ട്ടിക്ക് അനുകൂലമായി തന്നെയാണ് വരാറുള്ളത്. അതു കൊണ്ട് തന്നെ ഇത്തവണത്തെ രാഷ്ട്രപതി തിരഞ്ഞെടുപ്പ് ബി ജെ പി ക്ക് അനുകൂലമായിരിക്കും.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
